Шестмината обвинети во случајот тврдина, во кој првоосомничен е началникот во УБК, Горан Грујевски денеска изјавија дека не се чувствуваат виновни за делото за кое се товарат.
Вработените во УБК се обвинети во случајот Тврдина 2, а СЈО ги товари за фалсификување службена исправа и за уништување на службена документација.
Денеска по речиси една година, започна главната расправа за овој предмет. Во текот на расправата, адвокатите на одбраната побараа судот да ги изземе класифицираните докази на СЈО, со образложение дека се стекнати на недозволен начин. Обвинителите од СЈО рекоа дека доказите се стекнати по легален пат и дека обвинителството преку допис ги побарало од УБК, од каде им биле доставиле.
Судијката Лидија Петрова го одби барањето на адвокатите на обвинетите и деклсифицираните докази СЈО ќе може да ги користи во постапката. Грујевски и шестте службенички се обвиенти дека запалиле службени документи на тајната полиција, поврзани со нелегалното прислушување.
Читањето на обвинението се одвиваше зад затворени врати, затоа што обвинението ги содржело работните позиции на обвинетите во УБК, а тоа било класифицирана информација.
Обвинителот Љубомир Лапе обвинението ќе го поткрепува преку сведоци за кои не открива дали работеле или работат во тајната полиција.
„Првпат по повеќе од година и неколку месеци, имавме можност да дадеме воведни зборови за конкретен кривичен предмет, односно кратко изјаснување на содржината на обвинителниот предлог. И вие имавте делумно прилика да го слушнете произнесувањето на обвинетите“, изјави Лапе.
Продолжението на главната расправа се закажа за 3.јули поради тоа што на расправата не беа присутни сведоците.