Одлуката на претседателот Ѓорѓе Иванов да ги запре сите кривични постапки против лица од власта и од опозицијата предизвика револт во јавноста. Граѓаните масовно протестираа на повеќе локации во Скопје, а доцна вечерта се случи и контра протест пред седиштето на СДСМ на Бихаќка.
„Оваа криза е нечиј туѓ интерес, за нечии туѓи цели и интереси. Некој кој сака нешто да постигне, некој кој сака преку завојуваните политички лидери и нивните поддржувачи да оствари своја цел. Сето она што се случуваше во изминатиот период, резултираше со досега невидена политичка конфронтираност, со политика на меѓусебно пресметување и уништување, бескраен реваншизам и омраза и лична конфронтација“, изјави Иванов.
По само два часа од неговото обраќање, демонстрантите прво во помал број се собраа пред објектот на Специјалното јавно обвинителство. Таму со аплаузи и скандирања ги охрабрија обвинителите да продолжат со истрагите против функционерите осомничени за низа криминални дејствија.
Оттаму граѓаните се упатија кон Народната канцеларија на претседателот кон која фрлаа со јајца. Според нив, одлуката на претседателот е нарачана, а Иванов со тоа извршил удар врз правото, но и врз Специјалното обвинителство кое веќе отвори три предмети поврзани со високи функционери од власта.
-Иванов до крај го разоткри злосторничкото здружение. Ова е недостојно за претседател. Немаме друго, сенароден отпор! Ако ова вака остане, веќе нема никаква смисла постоењето на Специјалното обвинителство, Иванов де факто го поништува СЈО, вели за НОВА професорот Димитар Димитров.
По час и половина протест пред Канцеларијата на претседателот, демонстрантите се упатија кон штабот на ВМРО-ДПМНЕ. За разлика од Канцеларијата на Иванов која ја бранеа десетина полицајци, пристапот до штабот на ВМРО-ДПМНЕ беше блокиран од кордон специјалци.
Демонстрантите фрлаа со камења и јајца кон зградата на ВМРО-ДПМНЕ, а во турканиците беше повреден и снимателот на НОВА.
На бојкот се приклучија и опозициските партии
По три часа протест, на протестот се појави и лидерот на опозицијата Зоран Заев придржуван од партиските челници. Тој одби да даде изјава, бидејќи рече дека СДСМ излегува на протест за да ги поддржи граѓаните.
Опозицијата од штабот на ДПМНЕ маршираше до Владата, каде исто така беа фрлани јајца кон фасадата на објектот на Илинденска. По час и половина мирен протест на оваа лоакција, политичарите се вратија кај демонстрантите пред штабот на ВМРО-ДПМНЕ.
Освен Заев, на протестот присуствуваа и Стојанче Ангелов и Фијат Цаноски.
Иако имаше обид, демонстрантите не успеаа да го пробијат кодронот од специјалци, па така зградата до зградата ан ВМРО-ДПМНЕ остана блокира.
„Еден ден ќе се срамите, штитите криминалци“, „Спуштете штитовите“, „Придружете се, не одете против народот“, им довикуваа граѓаните на специјалците.
Контрапротест пред штабот на СДСМ
Доцна вечерва пак, симпатизери на владејачката партија ВМРО-ДПМНЕ, организираа собир пред седиштето на СДСМ на Бихаќка. Тие пак велат дека не се работи за контра протест, туку само бараат Заев да ги почитува одлуките на државните институции.
За СДСМ, Иванов го прогласи за мртов Пржинскиот договор, ВМРО-ДПМНЕ фрапирано од одлуката.
По обраќањето на Иванов на прес-конференција во седиштето на Бихаќка, Заев изјави дека со ваквата одлука, Иванов извршил државен удар.
Заев рече дека ниту бара, ниту прифаќа амнестија за него. Тој рече дека не се сите криминалци, а конкретно претседателот, има судир на интереси бидејќи случајот Титаник на СЈО токму докажува дека тој е избран на криминални избори.
И лидерот на ДУИ Али Ахмети побара Иванов одлуката да ја стопира, затоа што е избрзана и непромислена.
Од друга страна ВМРО-ДПМНЕ пак, стигна соопштение во кое се вели дека партијата е фрапирано од одлуката на Иванов.
По скандалозната одлука на Иванов, стигнаа реакции и од меѓународната заедница. И во реакциајта ан ЕУ, и во реакцијата на американската амбасада се истакнува загриженост за одлуката на Иванов, која според нви го доведува до прашање владеењето на правото.
Реакција на Твитер стигна и од еврокомесарот Јоханес Хан.
„Денешната акција на претседателот Иванов не во согласност со моето разбирање на правната држава. Со оглед на овој развој, имам сериозни сомненија дали се се уште можни кредибилни избори. Политичките лидери мораат да знаат дека неодамнешните акции се сериозен ризик за евро-атлантската иднина на нивната земја. Демократијата значи компромис во служба на граѓаните. Ги повикувам сите политички партии да се вратат на преговарачката маса и да ја продолжат работата на реформите”, напиша Хан на Твитер.
Протестот пред штабот на ВМРО-ДПМНЕ е завршен, со најава дека деновиве ќе се случи повторно. Пред СДСМ пак, иако е мирно, остануваат симпатизерите на владејачката партија.
Во продолжение, фотогалерија од протестот.
