Ирска од денеска ги укинува, речиси, сите ограничувања за ковид-19, откако мина низ уште еден бран со огромен број на заразени со Омикрон сојот на коронавирус, рече премиерот Михол Мартин во обраќањето до нацијата.

Ирска минатата недела беше на второ место по бројот на новозаразени со коронавирус во Европа, но во исто време е меѓу европските земји со највисоки дози на вакцини, оставајќи многу помалку сериозно болни луѓе отколку во претходниот бран.

Ја издржавме бурата Омикрон, изјави синоќа Мартин, додавајќи дека бустер дозите на вакцината целосно ја промениле ситуацијата во земјата.

По препорака на здравствените власти, владата одлучи дека баровите и рестораните ќе работат и по 20 часот (ова беше ограничувањето воведено на крајот на минатата година поради појавата на Омикрон), како и дека од клиентите нема да се бараат докази за вакцинација. Затворените отворените простори сега ќе можат да работат со полн капацитет.