Мохамед Салах е прогласен за најдобар африкански фудбалер за 2017 година во изборот што од 2001 година традиционално го организира „Би-Би-Си“. Репрезентативецот на Египет имаше одлични партии во дресот на Рома пролетоска и со своите асистенции одигра голема, ако не и клучна, улога за Един Џеко да биде најдобар стрелец во Серија А.
Египќанецот продолжи во ист ритам и по преселбата на Островот во тимот на Ливерпул и моментно е водечки стрелец во Премиерлигата со 13 гола. Годината што изминува ќе остане запатемена за Салах и по пласманот на неговата репрезентација на Светското првенство во Русија во 2018 година. Погоди од белата точка во петтата минута од судиското надополнување во мечот со Конго за триумф (2:1) што подоцна се покажа и како решавачки гол за мундијалска виза.
За Салах ова е прва индивидуална награда од ваков тип во кариерата. Во изборот ги остави зад себе Обамејанг, Кеита, Мане и Мозес. Признанието лани му припадна на Ријад Марез од Лестер.