Жителите на Летонија, на Малта и на Словачка денеска гласаат на изборите за Европскиот парламент (ЕП) по изразената волја на граѓаните на Велика Британија, на Холандија, на Ирска и на Чешка во изминатите два дена.

Од четврток до недела, речиси, 418 милиони луѓе низ Европската унија можат да гласаат на едни од најголемите демократски избори во светот. По изборите, започнува нов политички циклус во ЕУ, кој вклучува промена луѓе во најважните европски институции. Одѕивот на изборите во ЕУ е обично мал. В недела ќе гласаат граѓаните на другите земји на ЕУ, вклучувајќи ги и Хрватите кои избираат 11 пратеници.

Во Словачка се избираат 13 членови на Европскиот парламент од 751 члена, во Летонија осум и шест претставници на Малта.

Словаците имаа најмала излезност на последните избори за Европскиот парламент. Во 2009 година своето право го искористија 19,6 отсто од запишаните избирачи додека тој број во 2004 година уште помал – само 17 отсто.

Летонците во ЕП испраќаат осум пратеници, а според анкетите тоа ќе бидат членови на шест партии. Во Малта, изборите ќе одлучуваат помеѓу две традиционално доминантни партии, Лабуристичката партија и националистите (ЕПП). Според анкетите, секој ќе добие три претставници.