За во 14 часот во Апелацискиот суд се закажани јавните седници на коишто се одлучува за притворите на осомничените кои според обвинителството учествувале во настаните од 27 април. Во притвор се 23-ца, но до второстепениот суд се пристигнати 16 жалби на одлуката на Кривичниот совет за продолжување на притворите.
Повисокиот суд чекаше Вишото јавно обвинителство да одговори на жалбите за да може да закаже седница. Апелација денеска ќе одлучува за притворот на Оливер Поповски, актерот Владо Јовановски и Горан Ѓошевски.
Меѓу притворените се и тројцата пратеници Крсто Мукоски, Сашо Василевски и Љубен Арнаудов.
Претходно, Кривичниот суд на 27 декември донесе одлука за продолжување на притворот на сите приведени во врска со настаните од крвавиот четврток.