Филипинскиот претседател Родриго Дутерте денеска ќе поднесе кандидатура за изборите следната година, изјави денеска неговиот портпарол, но тој нема да се натпреварува со својата ќерка која се кандидира за потпретседателската функција.
Портпаролот Хари Роке изјави пред новинарите дека Дутерте одлучил да се кандидира на изборите, без да каже за која функција, пренесува „Ројтерс“. Тој нема право на нов претседателски мандат, меѓутоа може да се кандидира за сенатор, за конгресмен, за градоначалник или за гувернер.
Дутерте беше градоначалник на градот Давао пред да се кандидира за претседател во 2016 година. Сепак, изјавата на портпаролот на претседателот е во спротивност со изјавата на шефот за комуникации на претседателот од саботата, кој рече дека Дутерте ќе се кандидира за потпретседател, а ќе ја предизвика својата ќерка Сара Дутерте-Карпио, која се бори за истата функција.
На Филипините, претседателот и потпретседателот се избираат на одделни избори.