Откако вчера Биљал Касами објави дека Основниот суд Скопје 2 донел одлука дека партијата е една и дека нивното крило е легитимната партија, прес конференција одржа и крилото на Африм Гаши, кој на 18 февруари на Конгрес беше избран за претседател исто така на движењето Беса, но крилото што тој го контролира.
Ова крило го обвини Касами за измана, истакнувајќи дека се работи за првостепена одлука, која како што рече „е донесена врз фалсификуваните документи од претходниот правен застапник на БЕСА“ и најави дека судскиот спор продолжува.
-Основниот суд повторно и многу брзо ќе се произнесе пак, по одлуката на Управниот суд за фалсификување на документи и нивно поништување, а се очекува и разрешница од кривичната пријава доставена до Јавното обвинителство кон фалсификаторот, со што несомнено би следело и промена на првостепената одлука, рече Гаши.
Тој го повика членството и подржувачите на Движењето БЕСА да не подлегнуваат на како што рече, “измамите на тие кои знаат да фалсификуваат сешто и на крај стануваа заложници на нивното фалсификување“.
Касами, претседателот на едното крило на движењето БЕСА кое од почетокот на годинава се подели, вчера рече дека со оваа судска одлука на судот „се отфрла неоснованото барање на неформалната група, што укажува на тоа дека партиските тела ги избираат нејзините членови, а не од сомнителни кругови кои не го сакаат доброто на Албанците и кои не се во служба на Албанците“.
На почетокот на годинава, Беса се подели на две крила, при што на 18 февруари се одржа конгрес на едното крило на кој за претседател беше избран Африм Гаши.
Ова крило на неколку прес конференции потоа го обвини поранешниот лидер Билал Касами за фалсификат и најавикривична пријава против него.
Гаши изјави дека БЕСА отсега ќе биде партија, не само на Албанците, туку на сите народи кои живеат во Македонија и кои ги бараат нивните права коишто им следуваат.
Другиот табор, на Биљал Касами, или познат како Тетовски табор одржа конгрес на 24 февруари, на кој токму Касами беше избран за лидер.