Словенија по вторпат одигра 1:1 во циклусот на квалификации за Европското фудбалско првенство во 2020 година. Ако нејзиниот селектор можеше да биде задоволен од исходот во четвртокот против Израел во Хаифа, тоа не е случај и вечерва по дуелот со Македонија во Љубљана. Признава дека „змајчеки“ не одиграле на потребното ниво за разлика од „црвено-жолтите“ за кои изрази пофалби за прикажаното на стадионот „Стожице“.
„Постигнавме гол, може да кажам, во вистински момент иако дојде по триесетина минути игра, но израмнувачкиот на Македонците нè пресече на почетокот на второто полувреме по кој го смирија темпото на игра. Мора да бидеме поитри во такви ситуации. Направивме грепки што ме лутат, на моменти бевме лоши, но резултатот, сепак, е најреален. Имавме шанси за втор гол меѓутоа имаше и Македонија. Видовте дека се воиграни, активни, а јас ќе мора да барам начини за надградба на репрезентацијата“, изјави словенечкиот селектор, Матјаж Кек по ремито со Македонија.
Словенија во јуни ја очекуваат две гостувања во групата Г. Најпрво кај соседот Австрија во Клагенфурт, а потоа и во Рига на селекцијата на Летонија.