Шпански „Ел Мундо Депортиво“ објави шокантен детаљ од договорот на Лионел Меси што наиде на неверување кај фановите на Барселона. Аргентинскиот фудбалски волшебник ќе замине бесплатно од „Камп Ноу“ во случај Каталонија да прогласи независност од Шпанија, нешто што го посакуваат најголем дел на фановите на екипата.
Меси самиот побарал да биде вметната таква клаузула во договорот за продолжување на соработката со клубот што го потпиша во ноември. Но, ако веста тогаш беше прифатена со еуфорија, сега ситуацијата е во голема мера променета. Репрезентативецот на „гаучосите“ го условил своето останување во тимот на Ернесто Валверде доколку Барса се натпреварува во Примера, во Премиерлигата, во во Бундеслигата или во француската Лига 1.
Примарна е, секако, Примера бидејќи Каталонија и натаму останува дел од Шпанија. Трите останати се наведени поради можноста за формирање на европска Суперлига, идеја што е актуелна веќе со години и што произлегува од дел од фудбаските гигант на континентот.
Меѓутоа во случај на отцепување на Каталонија и формирање на сопствено првенство што е сон на сепаратистите во шпанската покраина, договорот на Меси, како што пишува „Ел Мундо Депортиво“, предвидува, овозможува негово заминување бесплатно. Дотогаш сумата за откуп на Аргентинецот изнесува 700 милиони евра.