Судот не знае како обвинетите во случајот „Титаник“ и нивните адвокати ги дознале имињата на судиите од тричлениот совет кои требаше да одлучуваат за барањето на СЈО за притвор на поранешни високи функционери, информира денеска Основниот суд Скопје 1.
Медиумите блиски до ВМРО-ДПМНЕ објавија дека одбраната побарала иземање на еден од судиите од тричлениот совет и на негово место е назначен друг, што ќе гласа против притвор на обвинетите. Останува отворено прашањето како одбраната го дознала составот на Судскиот совет кој треба да е таен.
По барање на одбраната, изземен е судијата Дарко Тодоровски, а на негово место во советот е определен Марин Станевски, но записникот за тоа кој како гласал за барањето за притвор е таен.
Според Кривичен, Барањето за изземање на Тодоровски пристигнало во Судот во саботата во 17:20 часот и како што се наведува во соопштението на судот, ако работата по предметот не е завршена судијата чие изземање се бара треба да престане со работа и за тоа да го извести претседателот кој одлучувал по барањето. Рибарев одлучил да го изземе Тодоровски и а негово место го поставил судијата Марин Станевски кој го добил решението во 23:30 минути.
Покрај судијата Станевски во советот членови биле и судијките Билјана Коцевска, и Диана Груевска Илиевска. Но во текот на денот и Коцевска побарала смена поради здравствени проблеми а на нејзино место дошла судијката Џенета Бектовиќ. Во понеделникот Судот објави дека судиите не го прифатиле барањето за притвор за врвот на ВМРО-ДПМНЕ и одлучиле да им ги одземат пасошите.