Чекорот што го повлекоа клубовите од Турција најавија дека ќе го следат и во Франција и во Италија и Лигата на шампиони на ФИБА од наредната сезона ќе ја заменат со Еврокупот, па дури изразија желба за учество и во Евролигата.
Французите во тековната сезона играа исклучиво во новоформираната ЛШ на ФИБА меѓутоа претседателот на Асвел, Тони Паркер со став дека неговата земја мора да има претставници во двете најсилни натпреварувања во Европа.
„Во добри односи сме со Евролигата. На првите луѓе во францускиот сојуз им реков дека во сезоната 2017/18 ќе играме во Еврокуп. Таква е нашата визија, сакаме да биде евролигашки клуб во наредните години. Се надевам на договор меѓу ФИБА и Евролигата за доброто на кошарката“, изјави Паркер.
И италијанските клубови во оваа сезона беа дел од натпреварувања на ФИБА освен Емпорио Армани Милано кој игра во Евролигата. Потврда дека земјата ќе има еден претставник во Евролигата и наесен (веројатно Милано) и два во Еврокупот стигна и од Егидио Бјанки, претседател на италијанското првенство. Во Италија се надеваат дека, преку специјални покани, ќе успеат да обезбедат место за уште репрезент во второто по ранг клупско кошаркарско натпреварување на стариот континент.