Фудбалската пресметка во бразилскиот Кариока шампионат меѓу Ботафого и Фламенго, на олимпискиот стадион во Рио де Жанеиро, падна во сенка на убиство на навивач.
Според агенцијата „АФП“, пред натпреварот дошло до судири меѓу навивачките групи на двете екипи. Седум лица се повредени, а 28 годишниот Диого Силва дош Сантош бил ранел во градите и им подлегнал на повредите во болница. Според полицијата, која трага по сторителите, засега непознати лица пукале од автомобил во движење.
Претставници на Ботафого и на Фламенго ја лоцираа вината за трагичниот настан во недоволното обезбедување. Еден полициски службеник, кој инстистирал на анонимност, рекол дека за мечеви како овој, што се градски дерби, обично се ангажираат по 180 полицајци. Овојпат биле 52, а на инцидентот реагирале само двајца.
Натпреварот, и покрај убиството, се одигра. Фламенго го совлада Ботафого со 2:1