Курти на Фејсбук: Акцијата на косовската полиција беше насочена против шверц во Приштина, во Пеќ и во Косовска Митровица

Косовскиот премиер Албин Курти нагласи дека денешната акција на косовската полиција била насочена против шверц во Приштина, во Пеќ, како и во северниот и во јужниот дел на Косовска Митровица.

Курти на својот Фејсбук профил напиша дека косовската полиција претпладнево пребарала неколку локации во Пеќ и во Приштина и дека е запленета голема количина стока.

Тој потврди дека полициската акција е завршена и ги повика граѓаните во северниот дел од Косовска Митровица „да не потпаѓаат под влијание на медиумите во Србија“.