Атлетико Мадрид и Борусија Дортмунд со гол предност ќе патуваат во Ливерпул, односно, Париз на реванш мечевите од осминафиналето во фудбалската Лига на шампиони.

Шпанскиот претставник го совлада Ливерпул со 1:0 во меч во кој погодокот на Саул од четвртата минута се покажа како решавачки за победникот на стадионот „Ванда Метрополитано“. Европскиот првак набрзо се созеде од шокот, воспостави контрола на теренот, ја имаше топката во посед, но не успеа да упати поконкретна закана кон голот на Јан Облак.

Во последната третина од првиот дел, „црвените“ постигнаа гол преку Мохамед Салат што беше оправдано поништен по претходен офсајд на Роберто Фирмињо. Египетскиот репрезентативец се закани во финишот, меѓутоа „виновник“ кој спречи израмнување беше добро поставениот Фелипе.

Сликата на тревникот не се промени ниту во продолжението. Ливерпул ја имаше иницијативата и топката, но блокот во играта на Атлетико на средина на теренот, едноставно беше непробоен за фудбалерите на Јирген Клоп.

Халанд со два гола го реши ПСЖ

Ерлинг Халанд го реши победникот на стадионот „Вестфален“ во Дортмунд и со два гола им донесе триумф на „милионерите“ над ПСЖ. Норвешкиот интернационалец погоди во 69. минута и во 77. минута и со десет гола е водечки стрелец во Лигата на шампиони.

Голот за „светците“ беше дело на Нејмар во 75. минута по додавање од Килијан Мбапе.

Лига на шампиони, осминафинале, први мечеви

Атлетико Мадрид – Ливерпул 1:0

Борусија Дортмунд – ПСЖ 2:1

Среда

Аталанта – Валенсија (21 ч.)

Тотенхем – Лајпциг (21 ч.)