Барселона безбедно го мина Лондон преку „Стемфорд бриџ“ додека Баерн во Минхен го „разнесе“ Бешикташ во вечерашните први осминафинални дуели во фудбалската Лига на шампиони. Каталонците одиграа 1:1 против Челзи за прекинување на повеќегодишниот пост на гостувањата кај „сините“, а Баварците го декласираа турскиот ривал со 5:0 за формален реванш во Истанбул.
Спасител на Барселона во англиската престолнина беше Лионел Меси во 75 минута по асистенција на Андрес Иниеста. Водство за Челзи обезбеди Вилијан во 62 на додавање од Еден Азар. Покрај реализацијата, Бразилецот на двапати ја тресеше рамката од голот на Тер Штеген.
Роберт Левандовски и Томас Милер, пак, имаа своја вечер на „Алијанц арена“. Полскиот и германскиот репрезентативец се јавија во улога на двојни стрелци и асистенти за домашната екипа за нокаут на, и онака, грогираниот Бешикташ кој од 16 минута играше без исклучениот Домагој Вида.
Серијата голови во Минхен ја отвори Милер во 43 минута кој „стрелаше“ и во 66 минута. На него се надоврза Левандовски во 79 минута и во 88 минута, петтиот гол за Баварците, втор на средбата, беше дело на Кингсли Коман во 53 минута.
Утревечер (20,45 ч.) се играат и последните два меча од осминафиналето во ЛШ. Севилја ќе игра пред своите гледачи со Манчестер јунајтед, а Шахтјор во Харков ја дочекува Рома.
Лига на шампиони, осминафинале, први мечеви
Челзи – Барселона 1:1
Баерн Минхен – Бешикташ 5:0
Реал Мадрид – ПСЖ 3:1
Порто – Ливерпул 0:5
Јувентус – Тотенхем 2:2
Базел – Манчестер сити 0:4
Утре играат
Севилја – Манчестер јунајтед (20,45 ч.)
Шахтјор Доњецк – Рома (20,45 ч.)