Ливерпул и Тотенхем обезбедија предност пред реванш четвртфиналните дуели со Порто, односно, Манчестер сити во Лигата на шампиони. „Црвените“ на стадионот „Енфилд роуд“ го поразија Порто со 2:0 со головите на Кеита во петтата минута и на Фирмињо во 26. минута. За премиерлигашот ова е четврта победа над португалскиот претставник против кој има и три реми во седумте досегашни пресметки. Тимот од „Драгао“, пак, по 16 пат се враќа поразен од Островот на кој само трипати ремизира во 19. меча во историјата.
https://www.youtube.com/watch?v=j4oGEtQ85wk
Тотенхем ја доби англискиот четвртфинален судир со Манчестер сити и со минимална залиха ќе оди на реваншот на „Етихад“ наредната недела. Спарси славеа со 1:0 со погодокот на Јужнокореецот Сон во 78. минута. Пенал за „граѓаните“ не реализира Серхио Агеро во 13. минута. Неговиот удар од белата точка го одбрани голманот Уго Лори.
https://www.youtube.com/watch?v=CUaYn6rdLoY
За утревечер (21 ч.) се закажани првите мечеви од преостанатите две четрвтфинални двојки. Манчестер јунајтед на „Олд Трафорд“ ќе игра со Барселона, а Јувентус со Кристијано Роналдо во тимот ќе гостува во Амстердам на екипата на Ајакс.