Наполи е лидер во групата на смртта, Тотнем се соочува со елиминација, пресврт на Интер. Ова се карактеристики на мечевите од второто коло во А-Д групниот сегмент во фудбалската лига на шампиони.
Наполитанците го совладаа Ливерпул со 1:0 со голот на Лоренцо Инсиње во 90. минута и го презедоа врвот на табелата во групата Ц. Екипата на ПСЖ, пак, со сиот расположлив потенцијал ја дочека Црвена звезда и ја порази со 6:1. Хет-трик на „Паркот на принцевите“ постигна Нејмар (20’, 22’, 81’), по еднаш во листата на стрелци се впишаа Кавани (37’), Ди Марија (42’) и Мбапе (70’). Почесниот за белграѓани беше дело на Марко Марин во 74. минута.
Барселона во Лондон, во рамки на групата Б, славеше над Тотнем со 4:2. Половина од головите за Каталонците ги постигна Лионел Меси во 56. минута и во 90. минута, останата половина ја поделија Фелипе Кутињо во втората минута и Иван Ракитиќ во 28. минута. Двата за „спарси“ ги реализираа Хари Кејн во 52. минута и Ерик Ламела во 66. минута.
Интер како гостин славеше над ПСВ Ајндховен со 2:1 со пресврт за одржување на чекор во конкуренцијата со Барселона. Пабло Росарио во 27. минута обезбеди предност за екипата од „Филип Арена“ што го анулираа Раџа Најнголан во 44. минута и Мауро Икарди во 60. минута.
Лига на шампиони, 2 коло, резултати
Група А
Борусија Дортмунд – Монако 3:0
Атлетико Мадрид – Бриж 3:1
Табела: Борусија Дортмунд 6, Атлетико Мадрид 6, Бриж 0, Монако 0.
Група Б
Тотнем – Барселона 2:4
ПСВ Ајндховен – Интер 1:2
Табела: Барселона 6, Интер 6, ПСВ Ајндховен 0, Тотнем 0.
Група Ц
Наполи – Ливерпул 1:0
ПСЖ – Црвена звезда 6:1
Табела: Наполи 4, Ливерпул 3, ПСЖ 3, Црвена звезда 1.
Група Д
Порто – Галатасарај 1:0
Локомотив Москва – Шалке 0:1
Табела: Порто 4, Шалке 4, Галатасарај 3, Локомотив Москва 0.
Група Е
Баерн Минхен – Ајакс 1:1
АЕК – Бенфика 2:3
Табела: Ајакс 4, Баерн Минхен 4, Бенфика 3, АЕК 0.
Група Ф
Олимпик Лион – Шахтјор Доњецк 2:2
Хофенхајм – Манчестер сити 1:2
Табела: Олимпик Лион 4, Манчестер сити 3, Шахтјор Доњецк 2, Хофенхајм 1.
Група Г
ЦСКА Москва – Реал Мадрид 1:0
Рома – Викторија Плзен 5:0
Табела: ЦСКА Москва 4, Реал Мадрид 3, Рома 3, Викторија Плзен 1.
Група Х
Манчестер јунајтед – Валенсија 0:0
Јувентус – Јанг Бојс 3:0
Табела: Јувентус 6, Манчестер јунајтед 4, Валенсија 1, Јанг Бојс 0.