Горан Пандев, конечно, го постигна првенецот во Серија А во оваа сезона. Капитенот на фудбалската репрезентација на Македонија погоди на „Марко Антонио Бентегоди“ во Верона за триумф на Џенова над истоимениот ривал со 1:0 во последниот натпревар од 15. коло.
Во листата на стрелци се впиша во втората минута од судиското екстра време на првиот дел, момент што до крајот на средбата се покажа како одлучувачки за победникот.
Пандев беше стартер во составот на Давиде Балардини и на терен беше до 64 минута во која му препушти место во тимот на Џанлука Лападула.
Вечерашната реализација е негова трета оваа есен, прва клупска. Двете претходни ги прослави во националниот дрес во победата над Норвешка, во пријателски меч, со 2:0 и во гостинскиот триумф над Израел (0:1) во квалифиакциите за СП 2018 во Русија.
По 15 рунди во калчолигата, Џенова е на 15 позиција на табелата со 13 бода и во наредното коло ќе игра против Аталанта на домашен терен.
Серија А, 15 коло
Верона – Џенова 0:1
Кротоне – Удинезе 0:3
Сампдорија – Лацио 1:2
Интер – Киево 5:0
Фиорентина – Сасуоло 3:0
Болоња – Калјари 1:1
Беневенто – Милан 2:2
Торино – Аталанта 1:1
Наполи – Јувентус 0:1
Рома – СПАЛ 3:1
Табела: Интер 39, Наполи 38, Јувентус 37, Рома 34 (-1), Лацио 32 (-1), Сампдорија 26 (-1), Фиорентина 21, Милан 21, Болоња 21, Аталанта 20, Торино 20, Киево 20, Калјари 16, Удинезе 15 (-1), Џенова 13, Кротоне 12, Сасуоло 11, СПАЛ 10, Верона 9, Беневенто 1.