Темата го отвора прашањето на проектот Скопје 2014, променетата урбана матрица на Скопје и предизвиците што произлегуваат од тоа, како што се дисконтинуитетот,
деградацијата на јавниот простор, уништувањето на зеленилото и наследството од
постземјотресниот период. Како понатаму?
По повод 10-годишниот јубилеј, утре со почеток во 18.00 часот во просториите на Public
Room ќе се одржат низа активности кои го слават минатото, сегашноста и иднината на
архитектурата во Македонија.
Овој јубилеј има за цел да ја обедини архитектонската заедница во еднодневен настан кој е отворен за секој заинтересиран посетител. Филип Конески, за овој јубилеј изјави: “10 години МАРХ Македонска АРХитектура или десетлетие на порив кој не ви остава мир да ги следите од страна работите.
Декада на борба за глас на македонската архитектура која некаде пред формирањето на marh.mk
ги доживуваше своите најголеми порази. Се надевам дека после овие изминати години
на ентузијазам, искрена љубов и добронамерност успеавме да станеме бренд и глас кој
не е лесен за игнорирање, а од тука и доброчинители на македонската архитектонска
сцена. МАРХ е простор каде треба да се пресретнеме, отстрамиме и бидеме искрени
меѓусебно. Да упатиме пофалби, предлози, концепти, да предупредиме и особено да не
се плашиме да упатиме критика, но и понатаму да бидеме достојни во дискусијата за да
имаме образ да отпоздравиме со – Секому добро!”
Програма по повод 10 години МАРХ:
18:00 – 19:00 : Изложба „Македонска архитектура 1974-2024“
Изложбата ја обработува историската граѓа од која потоа произлегува современата
македонска архитектура меѓу 1944 и 1974 година и презентирање на 64 нови
фотографии, кои го опфаќаат периодот од последните 50 години, до денес. Признание за
особен придонес кон афирмацијата на македонската архитектура се доделува на
списанието Порта3, кое со децении е присутно на нашата сцена.
18:00 – 00:00 : МАРХ Базар
Базар сочинет од уникатни принтови и книги до функционални дизајнерски предмети, а
ќе изложуваат: 5 do12, Anngo, Akrea, Тијана Стојковска, Studio Dana Ando и Ars Lamina.
19:00 – 19:45 : Промоција на книгата „Артемушкин и Скопје“
МАРХ
Македонска АРХитектура
Оваа книга е авторско дело на Ноеми Чаусидис и Мартин Ефремовски. Публикацијата ја истражува плодната работа на архитектот Иван Артемушкин во Скопје меѓу 1920 и 1940 година. Истата ќе може да се купи на МАРХ базарот.
20:15 – 21:30 : Панел дискусија „10 години подоцна, како понатаму?“
Темата го отвора прашањето на проектот Скопје 2014, променетата урбана матрица на Скопје и предизвиците што произлегуваат од тоа, како што се дисконтинуитетот,
деградацијата на јавниот простор, уништувањето на зеленилото и наследството од
постземјотресниот период. Како понатаму?
Панелисти се Мишко Ралев, Дејан Ивановски, Иван Арсовски, а модератор е Мартин
Ефремовски.
22:00 – 00:30 : Коктел забава со DJ Drazi Drags и Game Over