Published: Tuesday, July 13, 2021 09:16
Ние како СДСМ, како влада решивме наместо да инвестираме во палми, во непродуктивни споменици, кои блештат од корупција, да инвестираме во луѓе и во нивните потреби, истакна секретарот за меѓународна соработка на СДСМ, Бојан Маричиќ на граѓанската трибина во Ресен под мотото „Најдоброто за нашата општина“.
Маричиќ нагласи дека сите политики што се прават имаат една цел, а тоа е да се помогнат на граѓаните во решавање на нивните проблеми.
– Затоа градиме праведни политики, за добро на граѓаните, подвлече Маричиќ, додавајќи дека во изминатиот период 11 ставки од дејноста на извршителите се укинати како трошоци, рапидно се намалени и нотарските и извршителските трошоци, а за 75 отсто се намалени глобите и воведена е задолжителна опомена пред глобење на било кој граѓанин.
Законот за отпис на камати на долгови, со кој се отпишуваат 10 милиони евра, е во полза на 150.000 граѓани, истакна Маричиќ. Тој нагласи дека има пратеници од опозицијата кои не знаат зошто одат на работа, пратеници од опозицијата кои не одат на работа или одат само кога треба да блокираат нешто.
– Нашите пратеници секојдневно се борат со тие блокади, знаат зошто се таму, за да им служат на граѓаните, да носат закони во интерес на граѓаните, порача секретарот за меѓународна соработка на СДСМ, Бојан Маричиќ, на граѓанската трибина во Ресен под мотото „Најдоброто за нашата општина“.