Маричиќ: Секаде ќе победиме во вториот круг, ВМРО-ДПМНЕ достигна максимум во првиот и повеќе од тоа не може

Резултатите од првиот круг не се според нашите очекувања, меѓутоа има уште еден круг на локалните избори. Ништо не е загубено. На терен сме, разговараме со граѓаните, работиме и во вториот круг, на 31 октомври, очекуваме победа во сите општини, истакна Бојан Маричиќ во вечерашното гостување на „360 степени“.

„Во 25 општини во вториот круг влегуваме со предност на нашите кандидати за градоначалници. Веќе освоивме девет мандати, а очекуваме победа во сите општини во кои водиме, но и пресврт во оние каде немаме предност. ВМРО-ДПМНЕ повеќе од ова не може, максимумот го достигна во првиот круг. Пораката од граѓаните е прифатена и сфатена, овие денови работиме на терен, а ситуацијата и расположението се значително подобрени“, истакна Маричиќ.