Министрите за внатрешни работи на шесте земји од Западен Балкан, вклучително и на Македонија, денеска во Брисел ќе се сретнат со претставници на Европската Комисија и на австриското и бугарското претседателство со Унијата.
Според најавите на министерски состанок ќе се разговара за миграциските предизвици на ЕУ.
Се очекува на средбата да се разгледува и предлогот за отворање кампови за бегалците во земјите од регионот на Западен Балкан, а земја членка на ЕУ.
Грција примила најмногу мигранти од земјите во ЕУ
Во првите пет месеци од оваа година во Грција пристигнале над 19.800 мигранти, што претставува најголема бројка на прифатени мигранти во една земја членка на ЕУ, јави ДПА.
Според податоците на Европската агенција за контрола на гранциите – Фронтекст, ваквата бројка на пристигнати мигранти во Грција претставува пораст за 90 отсто во споредба со истиот период лани.
Во исто време, во Италија пристигнале 13.450 мигратни, што претставува раст за 77 отсто на годишно ниво, а во Шпанија – 8.200, што е за 59 проценти повеќе во однос на периодот јануари-мај 2017 година.
Според Фронтекс, во посочениот период во сите земји членки на ЕУ биле поднесени нешто под 50.000 барања за азил.
Во текот на минатата година пак во Унија биле поднесени 738.470 барања за азил, што претставува намалување во споредба со 2016-та, кога биле регистрирани 1,3 милиони апликации.
Најголемиот број од лицата кои лани побарале азил во некоја земја членка на ЕУ потекнуваат од Сирија, Иран или Авганистан.
Најмногу барање за азил биле поднесени во Германија, а потоа следуваат Италија, Франција, Грција, Велика Британија и Шпанија.