Европскиот авиопроизводител „Ербас“ соопшти дека во првиот квартал од годинава остварил пад на нето профитот од 40 милиони долари што на годишно ниво изнесува 86 проценти. Причината лежи во замрзнување на лиценците за извоз за потребите на одбраната на Саудиска Арабија што „Ербас“ го чини 190 милиони евра и прекин на програмата за производство на моделот А380 што го зголемува минусот за 61 милион евра.
На 14 февруари „Ербас“ објави дека го прекинува производството на најголемиот патнички авион на светот А380, поради тоа што големите компании не пројавија интерес за овој модел, претпочитајќи да набавуваат помали и поекономични летала.
Авионите А380 имаат четири мотори и капацитет од меѓу 500 и 800 патници. Овој модел влезе во употреба во 2007 година и чини околу 500 милиони долари.