Опозициската ВМРО-ДПМНЕ вечерва беше на средба со граѓани во Демир Хисар во рамки на активностите пред вториот круг на локални избори нареднкиот викенд. Пред насобраните, покрај кандидатот за градоначалник Никола Најдовски, чиј ривал за мандат е Стевче Митревски од СДСМ, се обрати лидерот Христијан Мицкоски кој нагласи дека првиот круг на гласање ја демонстрирал надежта како пат кон промените во земјата.

Нашиот народ заслужува и среќа и шанса, Надежта што беше истакната во првиот круф е патот кон промени и искра која ќе го осветли патот на успехот што неминовно ќе се случи, рече Мицкоски пред жителите на Општина Демир Хисар.

Тој повика на масовна излезност во вториот круг, порачувајќи дека клучот на промените е токму кај граѓаните.

„Затоа што нашата заедничка волја и верба се силни, затоа што веруваме во заедничка иднина. Силата и клучот се во нас. Ништо не е посилно од таа надеж, базирана на волја и морална храброст на слободни луѓе да одлучат за себе. Затоа велиме уште само еден чекор до новата заедничка иднина, потенцираше Мицкоски.