Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Москва претпазлива, Путин не му честита на Трамп, руските пропагандисти се надеваат дека новиот претседател ќе им служи на интересите на Русија

0
By Marija Todorovska on November 6, 2024 ИЗБОР
СПОДЕЛИ
Facebook Twitter LinkedIn Email
Published: Wednesday, November 6, 2024 15:26

Пропагаторите на Кремљ се залагаа за Трамп како претпочитан кандидат на Русија, со оглед на неговите коментари за завршување на војната во Украина и неговото противење на континуираната американска помош за Кијив за борба против руската агресија. Сепак, според тонот во коментарите, Медведев се воздржа од таков триумфализам, навестувајќи дека сѐ уште може да има понатамошни потешкотии.

Драган Мишев / ЦивилМедиа.мк

Кремљ реагираше резервирано откако Доналд Трамп прогласи победа на претседателските избори во САД, велејќи дека САД се сè уште непријателска држава и дека времето ќе покаже дали реториката на Трамп за завршување на војната во Украина се претвори во реалност.

Портпаролот на Кремљ, Дмитриј Песков, рече дека Трамп дал некои важни изјави дека сака да стави крај на војната во Украина за време на неговата кампања, но само времето ќе покаже дали тие ќе доведат до акција.

„Да не заборавиме дека зборуваме за непријателска земја, која и директно и индиректно е вклучена во војна против нашата држава“ (во Украина), изјави Песков за новинарите.

Како што пренесува Ројтерс, Песков рече дека не знаел за какви било планови на претседателот Владимир Путин да му честита на Трамп за неговата победа и дека односите со Вашингтон се на историско ниско ниво,

„Не сум известен за какви било планови на претседателот да му честита на Трамп“, им рече Песков на новинарите непосредно откако Трамп прогласи „величествена“ победа.

„Постојано укажуваме дека САД можат да придонесат за крај на овој конфликт. Ова не може да се направи преку ноќ, но… САД се способни да ја сменат траекторијата на својата надворешна политика. како… ќе видиме по (инаугурацијата на американскиот претседател во) јануари“.

Кирил Дмитриев, влијателниот шеф на рускиот суверен финансиски фонд, рече дека победата на Трамп може да биде шанса за поправка на врските.

„Ова отвора нови можности за ресетирање на односите меѓу Русија и САД“, додаде Дмитриев, поранешен банкар на Голдман Сакс, кој претходно имал контакти со тимот на Трамп.

Поранешниот руски претседател Дмитриј Медведев изјави во средата дека победата на Трамп веројатно ќе биде лоша вест за Украина, која се потпира на Вашингтон како нејзин главен воен поддржувач, пренесува Њузвик.

Тој посочи дека резултатот од претседателските избори во САД ќе им служи на интересите на Русија во нејзината целосна инвазија на Украина.

Медведев кој беше претседател помеѓу 2008 и 2012 година, а сега е заменик-претседател на Советот за безбедност на Русија, во текот на војната во Украина турка антизападна реторика, често упатувајќи закани до сојузниците на Кијив за нуклеарната способност на Москва.

За време на победничкиот говор на Трамп рано наутро во вторникот, Медведев го објави на Телеграм својот одговор на изборната ноќ.

Без директно да му честита на републиканскиот кандидат, Медведев се осврна на тоа како постоел „бесен двопартиски антируски консензус на Капитол Хил“.

„Но, Трамп има еден квалитет што е корисен за нас – како бизнисмен до срж, тој мрази да троши пари на … идиотски сојузници, глупави добротворни проекти и незаситни меѓународни организации“, рече тој, навидум мислејќи на глобалната поддршка за Украина.

Пропагаторите на Кремљ се залагаа за Трамп како претпочитан кандидат на Русија, со оглед на неговите коментари за завршување на војната во Украина и неговото противење на континуираната американска помош за Кијив за борба против руската агресија. Сепак, според тонот во коментарите, Медведев се воздржа од таков триумфализам, навестувајќи дека сѐ уште може да има понатамошни потешкотии.

„Прашањето е колку Трамп ќе биде принуден да ѝ даде на војната – тој е тврдоглав, но системот е посилен“, додаде Медведев во објавата која содржи GIF слика на републиканецот.

Тврдејќи дека има „добри односи“ и со Путин и со Зеленски, Трамп вети дека ќе стави крај на војната во Украина пред да положи заклетва на функцијата доколку биде избран за втор мандат, но победата на Трамп значи неизвесност за воените напори на Украина со оглед на потпирањето на Кијив на американската воена помош и комплицираната историја на кандидатот на републиканците со украинскиот претседател Володимир Зеленски.

Сепак, за разлика од зачудувачкото остуство на честитка од рускиот претседател,  Зеленски меѓу првите му честиташе на Трамп за, како што ја нарече, неговата импресивна изборна победа, потсетувајќи на нивната септемвриска средба кога детално разговарале за стратешкото партнерство Украина-САД, Планот за победа и начините како да се стави крај на руската агресија врз Украина.

Текстот е сопственост на ЦивилМедиа

војна Зеленски избори Путин САД Трамп Украина
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.