Трансферот на Нејмар во Манчестер јунајтед за 200 милиони евра, според Жозе Мурињо, е тешко возможна мисија од причина што, пред се, Барселона нема да сака да се откаже од бразилскиот репрезентативец.
„Секогаш се трудев да бидам објективен во преговори со другите клубови и да прашам кој фудбалер може да ми го дадат. Трансферот на Нејмар е апсурден. Клуб каков е Барселона нема да го пушти. Тој е најголем во екипата по Меси, млад е, и ќе се обидат да го задржат што подолго. Тоа е како да се обидувате да разбиете сеф“, е коментарот на Португалецот за „ЕСПН“.
Нејмар пред неколку месеци го продолжи договорот со Каталонците до 2021 година со откупна клаузула од 200 милиони евра. Сумата сака да ја активира Манчестер јунајтед и да му понуди годишна плата на Бразилецот од 25 милиони евра.
Изјавата на Мурињо во случајот со Нејмар доаѓа по неколку дена од пишувањето на каталонски „Спорт“ дека Португалецот е подготвен за ново соборување на светскиот ремкорд во висина на трансфер по Пол Погба.