Најмалку четворица американски војници загинаа во нападот во Кабул

Во нападот загинаа четворица американски војници, а тројца се повредени, пренесуваат дел од светските медиуми. Пентагон потврди дека неколку војници на САД загинале при нападот.

Според американската влада, неколку американски војници загинале во нападот пред аеродромот во Кабул, соопшти вечерва портпаролот на Министерството за одбрана на САД, Џон Кирби.

Кирби не даде точен број на жртви.

Неколку американски војници беа повредени, рече тој, а во нападот загинаа и неколку Авганистанци.

Според некои светски медиуми, во нападот загинале четворица американски маринци, а тројца се повредени.

Талибанци: Најмалку 52 повредени во Кабул, нејасен е бројот на загинати