Мексиканскиот боксер Канело Алварез стана спортист со највносен договор во светот. Документот што го парафира со спортската стрим платформа „DANZ“ е на 365 милиони долари, се однесува на период од пет години и опфаќа 11 борби. Со тоа е надмината досега рекордната соработка во сопственост на безбол играчот Џанкарло Стентон кој во 2014 година потпиша договор со Њујорк Јенкис на 13 години за сума од 325 милиони долари.

Алварез на годишно ниво, сепак, ќе заработува помалку од аргентинската фудбалска ѕвезда во Барселона, Лионел Меси кој, според „Форбс“, инкасира 84 милиони долари.

Според договорот со „DANZ“, првата борба на Алварез е закажана на 15 декември во „Медисон Сквер Гарден“ против Роки Филдинг во суперлесна категорија.

По повеќегодишната доминација на Флојд Мејведер и Мани Пакјaо, Алварез важи за најголема боксерска ѕвезда. Мексиканецот има 28 години, роден е во Гвадалахара, досега имаше 53 борби од кои победи во 50, а 34 од нив ги реши со нокаут. Неколкукратен светски првак е во средна категорија во која ги обедини појасите во ВБА и ВБЦ верзиите.

Последната настап го имаше на 15 септември. Во борбата по капа на ТВ мрежата „HBO“ го совлада Генадиј Головкин, а американската медиска куќа инкасира 120 милиони долари.