Published: Tuesday, December 21, 2021 12:27
Руски „Гаспром“ утрово ги прекина испораките за Германија преку гасоводот Јамал-Европа, потврди германскиот оператор за гасна мрежа „Гаскејд“. Затоа Германија во моментот се снабдува со руски гас само преку „Северен тек 1“.
Руската компанија во петокот ги намали испораките преку гасоводот Јамал-Европа, за денеска да ги прекине. Од „Газпром“ објаснија дека Германија за денеска немала резервирано количества за испорака преку тој гасовод.
Суспендирањето на испораките на гас преку Јамал -Европа придонесе за нов скок на цената на гасот, кој денес се продава за повеќе од 1.850 долари за илјада кубни метри.
Гасоводот Јамал-Европа е долг 4.107 километри и минува низ Русија, Белорусија, Полска и Германија.