Француското знаме (сина, бела и црвена) веќе една година не е сосема исто. Ова, конкретно, се однесува на сината боја од август лани е со потемна нијанса. Претседателот Емануел Макрон донесе одлука за промена на бојата на француското знаме што, според „Јуроп 1“, е детал кој малкумина го виделе, а, сепак, е многу важен.
Франција сè уште ги има истите бои на знамето (сина-бела-црвена), но сината не е баш иста во Елисејската палата веќе една година. Сега е темно сина и се наоѓа на сите згради што се придружба на Палатата. Одлуката на претседателот Макрон во јули 2020 година предизвика внатрешни дебати во Елисејската палата.
Според „Јуроп 1“, Макрон сакал да ја врати темно сината боја на знамето, симболот на Француската револуција, а француските медиуми го нагласуваат и влијанието на адмиралот Бернар Рогел, бидејќи француската морнарица веќе користи темно сина на бродовите. Една од причините, како што се наведува, е од естетска природа.
Француската морнарица и многу згради низ земјата отсекогаш користеле темно сина нијанса. Но, во 1976 година предводена од претседателот Жискар д’Естен, Франција воведе посветла сина боја на тробојката за да одговара на сината боја на знамето на ЕУ. Сепак, како што се наведува, сите засегнати страни инсистираат промената на бојата да не се толкува како гест против ЕУ.