Реал Мадрија ја одбрани титулата во фудбалската Лига на шампиони. Третата во низа „кралевите“ ја осигураа со триумф против Ливерпул со 3:1 во финалето во Киев пришто главна ѕвезда на Олимпискиот стадион во украинската престолнина вечерва беше Герет Бејл.
Велшанецот постигна два прекрасни гола од кои особено спектакуларен беше првиот на кој му претходеше удар со ножички во 64. минута по асистенција на Марсело. Вториот, исто така, фантастичен, со удар од дистанца во 83. минута за промоција на мадриѓани како први што успеале да ја покорат конкуренцијата трипати во низа. Во листата на стрелци се запиша и Карим Бензема во 51. минута.
Мајската вечер во Киев ќе остане длабоко врежана во главата на Лорис Кариус. Германецот меѓу стативите на „црвените“ му кумуваше на поразот на премиерлигашот со подарокот за Бензема за 1:0 на Реал Мадрид и за „меките“ раце при шутот од преку 25 метри на Бејл за 3:1. Единствениот за составот на Јирген Клоп беше дело на Садио Мане во 55 минута.
Финалето во Лигата на шампиони, сепак, беше исплакнато со солзи. Покрај Кариус, кој по мечот побара и доби утеха од соиграчите, од противникот и од фановите на Ливерпул за киксевите што ги направи, мечот предвреме мораа да го завршат и Мохамед Салах и Даниел Карвахал поради повреди.