Непознат маж денеска удри студент на Универзитетот за хотелски менаџмент во Белград за време на блокадата во 11:52 часот во чест на жртвите од падот на настрешницата во Нови Сад.
На вознемирувачкото видео кое е проследено до порталот Нова.рс. , може да се види дека возачот во еден момент забрзува и удира во студент, а потоа бега од местото на настанот.
Бевме триесетина и ни се придружија граѓани од улицата. Застанавме мирно на пешачкиот премин во 11:52. Дојде човек во комбе и веднаш почна да фрла работи и да вика. Тој кажуваше дека се брза за на работа и дека имал деца кои ги храни, но ние молчевме, а тој во таа прилика тргна кон нас со комбе, но не мрдавме, изјави за Нова.рс еден од студентите.
Како што објаснуваат, тој потоа се обидел да ја заобиколи блокадата, но таму бил еден од нивните колеги.
Возачот ненадејно стапна на гас и го крена момчето на хаубата кое потоа заврши на тревата покрај патот, а комбето само брзо забрза и помина. Излеговме како група, не сакаме да даваме информации затоа што видовме што се случува со студентите кои јавно зборуваат и поради работи што се случуваат на улица, тоа е комбе на фирма што превезува пијалоци, рече студентот.