Published: Tuesday, October 26, 2021 08:34
Европската агенција за лекови (ЕМА) објави дека дополнителната, засилувачка доза на вакцината „Модерна“ може да се даде на луѓе на возраст од 18 години и постари по најмалку шест месеци од ревакцинацијата. Тоа е втора вакцина што е одобрена за трета доза во ЕУ.
Третата доза на „Спајквакс“ беше примена шест до осум месеци откако втората доведе до зголемување на нивото на антитела кај возрасните чии антитела се намалуваа, објави европскиот медицински регулатор.
ЕМА претходно одобри трета доза на „Фајзер“/„БајонТек“ во октомври и препорача вакцинација со трета доза вакцини од „Фајзер“/„Бионтек“ или „Модерна“ за луѓе со ослабен имунолошки систем.
Земјите-членки на ЕУ одлучуваат дали општата популација треба да ја прими третата доза. Неколку земји започнаа свои кампањи, пред ЕМА да ги објави препораките.
Државите презедоа различни пристапи за тоа кој треба да ја прими третата доза. ЕМА додаде дека го следи ризикот од срцеви заболувања и други многу ретки несакани ефекти по добивањето засилена доза.
Американските власти одобрија дополнителни дози на „Фајзер“/„Бионтек“, „Модерна“ и „Џонсон и Џонсон“.