По силното невреме што ја зафати Србија во текот на ноќта, Републичкиот хидрометеоролошки завод издаде ново предупредување за денеска, пишува N1.
Областа од Алпите, преку Западен Балкан и Србија до регионот на Карпатите и денеска ја очекува силна активност со грмотевици, објавено е на веб-страницата на РХМЗ.
Развојот локално ќе биде многу силен и брз (ќе се движи од запад-северозапад кон исток) со понекогаш голем град, краткотрајни силни налети на ветрови и изолирани налети на ветер слични на урагани.
Тешко е однапред да се одреди точната локација на почетокот, движењето и сериозноста на непогодите, но поголема е веројатноста за појава во доцните попладневни и вечерни часови во северниот, западниот, централниот и источниот дел на Србија, наведува РХМЗ.
Словенечката агенција за животна средина (Арсо) денеска издаде портокалово предупредување за невреме во цела Словенија, во периодот од 14 до 23 часот. Според Арсо, можна е силна бура, со град и налети на ветер и грмотевици.
Tudi danes smo izdali oranžno opozorilo za popoldne in zvečer za vso Slovenijo saj nas bo ponovno prešla višinska dolina s hladnejšim zrakom, ki bo povzročila, da se bo nestabilnost ozračja v popoldanskem času povečala.
— ARSO vreme (@meteoSI) July 22, 2023
Хрватскиот хидрометеролошки завод утрови, исто така, објави портокалово предупредување за невреме со грмотевици за речиси цела држава. Исклучок се Книнскиот и Дубровничкиот регион, за кои поради топлотниот бран е издадено портокалово предупредување. ДХМЗ објави дека попладнево и приквечер можна е локална појава на грмежи пропратена со силен ветер и обилни врнежи. Најголема веројатност за грмежи ќе има во подрачјето на Осиек.
I dalje nestabilno s kišom i pljuskovima, a nažalost mjestimice je moguće i olujno nevrijeme. Pratite upozorenja na opasne meteorološke pojave i radarsku sliku. Više na https://t.co/7tElXxnRUVhttps://t.co/tisoWvP9P8#prognoza #DHM pic.twitter.com/JjeQfBbkts
— DHMZ (@DHMZ_HR) July 22, 2023
Г. Т.