Ако се враќате од одмор во странство во Македонија од 1 септември, а не сте вакцинирани или не сте прележале Ковид – 19 во изминатите 45 дена, направете си ПЦР тест. Во спротивно, ќе бидете пратени во домашна изолација од седум дена.
Од 1 септември 2021 година домашни и странски државјани ќе можат да влезат во земјава со потврда за примени намалку две дози вакцина, сертификат за прележан Ковид – 19 во последните 45 дена, сметајќи од денот на оздравувањето или пак медицинска потврда со негативен ПЦР тест направен во изминатите 72 часа пред влез во државава.
– За нашите граѓани кои ќе се враќаат во земјата после 1 септември, а немаат ПЦР тест, или потврди за примена вакцина или за прележан КОВИД – 19, ќе се одреди мерка карантин од 7 (седум) дена домашна изолација со решение од Државниот санитарен и здравствен инспекторат. Странските државјани кои транзитираат низ земјата ќе можат да го направат тоа во рок од 5 часа со претходно потпишана изјава на влезот во земјата која ќе треба да ја приложат пред граничната контрола на излезот од државата, соопштија од Владата.