Владата во Северна Кореја објави дека на одредено време ги блокира Фејсбук, Јутјуб, Твитер, јужнокорејските сајтови и Гласот на Америка, со образложение дека се „сексуални и сајтови за возрасни, како и за комар“.

Сепак, агенциите јавуваат дека Фејсбук и Твиотер со месеци се неофицијално блокирани и дека на тие социјални мрежи не може да им се пристапи преку пребарувачи од Пјонгјанг.

Оние што ќе се бидат да ги хакираат блокираните сајтови или се обиде да дистрибуира „податоци кои се против републиката“, ќе бидат казнети според законот на Северна Кореја, с енаведува во владината одлука.

Сепак не е прецизирано за каква казна се работи.

Проценка е дека над два милиони граѓани на Северна Кореја користат мобилни телефони, а пристапот кон интернет со мали исклучоци се ограничени само за официјалните лица, техничари и други кои имаат посебна дозвола да го користа, но под надзор.