Шкендија и дефитивно стави печат на нова титула во домашното фудбалско првенство. Тетовци го совладаа Работнички со 1:0 додека Вардар во истовреме ремизира против Шкупи (2:2) за математички крај на трката за шампионскиот трон на четири кола до крај на сезоната.

Стрелец на единствениот гол за тетовските „црвено-црни“ на арената „Тоше Проески“ беше Енур Тотре во 90. минута.

Иако вардаровите надежи за титулата досега беа сведени само на теорија, попладнево на Чаир и како такви паднаа во вода. Сержињо во 32. минута и Муарем Бајрами во 85. минута погодија за домашните, Жунињо во 43. минута и Дарко Мицевски во 88. минута реализираа за „црвено-црните“.

Ако Шкендија е старо-нов македонски фудбалски првак, Победа по ова коло се промовира во старо-нов македонски фудбалски второлигаш. Прилепчани се селат во понизок ранг со полна мрежа на голови по денешното гостување во Тетово. Ренова ги декласира со 9:1 пришто Влатко Стојановски постигна четири гола за „гипсарите“, по два во секое полувреме.

Играчот од средниот ред на Ренова ја тресеше противничката мрежа во 22. минута, во 35. минута, во 64. минута и во 90. минута, двоен стрелец беше Емран Рамадани (38 минута, 51 минута), по еден дадоа Бојан Миовски во 9. минута, Бурхан Мустафов во 45. минута и Мети Усеини во 84. минута. Почесниот за фенерџијата беше дело на Александар Ристевски во 24. минута.

Силекс со 3:0 ја порази Академија Пандев додека Беласица со 3:1 освои нови три важни бода во борбата за опстанок во Прва лига.

Прва лига, 32 коло

Работнички – Шкендија 0:1

Шкупи – Вардар 2:2

Силекс – Академија Пандев 3:0

Ренова – Победа 9:1

Беласица – Македонија Ѓ.П. 3:1

Табела: Шкендија 72, Вардар 59, Академија Пандев 53, Шкупи 43, Ренова 42, Работнички 39, Македонија Ѓ.П. 38, Силекс 37, Беласица 34, Победа 23.

Идно коло: Шкендија – Силекс, Вардар – Работнички, Академија Пандев – Победа, Беласица – Ренова, Македонија Ѓ.П. – Шкупи.