Oгледувачите треба да водат евиденција за болни и угинати птици, а потребно е и соодветно да се отстранува ѓубрето и угинатата живина од фармите како  можност за евентуално пренесување на вирусот,  потенцираат од  АХВ

Од Mакедонското Eколошко Друштво (МЕД) вчера осамна веста дека во малото Преспанско езеро во Грција се пронајдени повеќе од 500 мртви пеликани и дека причината за угинатите птици е птичји грип, објави lokalno.mk

Од МЕД информираат дека тие само ја пренеле информацијата којашто ја добиле од колегите.

– Бидејќи угинатите пеликани се во Грција, а нивни органи ја  потврдиле  информацијата, ние како истражувачи не ја познаваме оваа проблематика доволно добро но, наши соработници, волонтери и експерти може да ја забележат на терен, па сме информирани и информираме, изјавиле од МЕД за „Локално“.

Од Мониторинг станица за испитување и следење на квалитетот на водите од Преспанското езеро велат дека во  нашиот дел на Преспанското Езеро нема забележани мртви пеликани или какви било други птици.

–  Ние како институција имаме соработка и со партнерите од грчка страна, кои извештајот за угинати птици го проследија веднаш штом ја утврдија причината за угинувањето на птиците, по што веднаш беше извршена контролата. Отворени сме за соработка и доколку имате информации за било какви негативни појави на нашата страна на езерото очекуваме да не известите за да може навремено да се реагира во рамки на можностите кои ги имаме како институција, информираат од Мониторинг станица за Преспанско Езеро.

Во рамки на мерките по потврдувањето на двата одделни случаи на птичји грип во земјава,  минатиот месец спроведени се и дополнителни прегледи на одгледувалиштата и попис на живината на фармите.

Од  АХВ потенцираат дека одгледувачите треба да водат евиденција за болни и угинати птици, а потребно е и соодветно да се отстранува ѓубрето и угинатата живина од фармите како потенцијална можност за евентуално пренесување на вирусот.

– Одгледувачите на живина птиците да ги држат подалеку од области кои се посетувани од диви птици, да се контролира пристапот до одгледувалиштата на живина на луѓе и опрема, да се отстранат предмети од одгледувалиштето кои може да привлечат диви птици, да се одржува хигиена на имотот, објектите каде се држи живината и опремата, а неопходно е и да не се внесува живина, птици од непознат статус на болеста во јатото на одгледувалиштето, апелира АХВ.

FOTO .shutterstock.com

Птиците кои не покажуваат знаци на болеста, според АХВ, можат да го носат вирусот и се опасност од ширење на вирусот кај живината.

– Птичјиот грип најчесто се шири преку птиците преселници кои се сметаат за резервоар на болеста. Дивите птици, особено дивите патки можат природно да бидат отпорни и да не покажуваат клинички знаци на болеста. Затоа важно е да се води сметка живината која се одгледува на фармите да се спречи да дојде во контакт со нив, за што останува препораката до фармерите живината да не ја чуваат на отворено, велат од АХВ.

Повеќе на lokalno.mk