Во Хрватска во текот на минатата година беа убиени 19 жени, а осум во првите осум месеци од оваа година, објавено е денеска по повод одбележувањето на Националниот ден за борба против насилство врз жените и во семејството.
Минатата година беа пријавени 1.578 кривични дела за семејно насилство, а жените на возраст од 45 до 55 години се соочуваат со најголем ризик, изјави министерот за внатрешни работи, Давор Божиновиќ.
Според полициските статистики, семејното насилство најчесто се случува кон средината на неделата, во среда, и според образовниот статус на сторителот, 61,64 проценти имаат завршено средно училиште, 21,92 проценти имаат основно училиште, додека 16,41 проценти се високообразовани.
Индикаторите покажуваат дека во првите осум месеци од 2021 година, вкупниот број на случаи на семејно насилство е намален за 16,7 проценти во споредба со истиот период минатата година, но истовремено бројот е зголемен за 14,7 проценти во споредба со претходната година.