Работнички овојпат ја оправда фаворитската улога против Тре Пене. И играчки и резултатски како што и нагласи капитенот Душко Трајчевски во најавата за натпреварот. Дебармаалци ги изрешетаа гостите од Сан Марино со 6:0 и го потврдија местото во второто квалификациско коло за Лига Европа.

По два гола во тренинг центарот „Петар Милошевски“ при ФФМ постигнаа Бојан Најденов (43 минута, 59 минута) и Стојанче Велинов (82 минута, 83 минута), по еден додадоа Суад Сахити во 28. и Кире Маркоски во 71.

Ова е трет најубедлив триумф на Работнички во меѓународните настапи. Со ист резултат беше совладан и летонски Сконто Рига во квалификациите за Лигата на шампиони во сезоната 2005/06 како и Луситанос во квалификациите за Лига Европа во сезоната 2010/11.

Работнички – Тре Пене 6:0 (2:0)

Стадион во тренинг центар при ФФМ. Гледачи: 500. Гл. судија: Манфредас Лукјанцукас. Асистенти: Витис Снарскис и Александар Радиус (сите тројца од Литванија). Ж. картони: Рашо (Работнички); Мерендино, Патрењани, Гаи, Мартини (Тре Пене). Стрелци: С. Сахити 28′, Најденов 43′, 59′, Маркоски 71′, Велинов 82′, 83′ за Работнички.

Работнички (формација: 4-3-3): Шишковски – Ерера, Шиков, Митрев, Рашо (Илиев 61′) – Најденов, Трајчевски, Дурански (Е. Сахити 60′) – Велинов, С. Сахити (Кадриу 80′), Маркоски. Тренер: Виктор Треневски.

Тре Пене (формација: 4-3-3): Мињани – Мерендино (Сучи 82′), Роси, Фратернали, Цесарини – Гаи, Патрењани, Палаци – Мартини, Симончели (Калцолари 73′), Морети (Сантини 65′). Тренер: Луиџи Бицото.