Театрите и други културни установи во Белгија денеска извојуваа правна победа со која е поништена владината одлука за нивно затворање поради пораст на бројот на заразени лица со омикрон сојот на коронавирус.

Државниот совет, највисока уставноправна инстанца во Белгија, ја суспендира владината одлука за затворање што беше донесена минатата недела, а стапи на сила викендот, образложувајќи ја мерката како „непропорционална“.

Во првостепената пресуда што беше објавена денеска се наведува дека, дури и такви рестрикции поради омикрон сојот да се неопходни, „владата морала со јавноздравствени аргументи да докаже дека таквата мерка е потребна“.

Нејасно е што се спаѓа под културни установи, меѓутоа владината одлука не опфаќа кина, сали за куглање и ноќни клубови. Белгискиот премиер Александар де Кро и челниците на белгиските региони во средата се решија за затворање на кината и театрите и донесоа забрана за спортски настани во затворен простор, додека баровите, рестораните, вежбалните и салите останаа отворени.

Бројот на заболени со ковид-19 во земјата е во континуиран пад од ноември, но бројот на заболени со омикрон, сој на кој отпаѓаат пола од случаите, моментно забрзано расте.