Се слави во источен Лондон, се негува надеж во Бирмингам, разочарување во Страфордшир. Вест Хем го совлада Лестер со 2:0 и на коло до крајот на сезоната обезбеди опстанок во Премиерлигата. По еден гол на популарните „чекани“ во обата дела на „Кинг Пауер“ стадионот за потврда дека не мрдаат од англиската фудбалска елита. Атак на трите бода најави Жоао Марио во 34. минута што ги запечати Марк Нобл во 64. минута.
Фудбалерите на Вест Бромвич Албион продолжуваат со шокантните настапи, во позитивна смисла, во финишот на првенството. И петти пат во низа успеаја да останат непоразени, а што е уште поважно за нив и нивните фанови го запишаа третиот триумф во низа и ги оживеаја надежите за одбрана на премиерлигашкиот статус. Со погодокот на Џек Ливермор во втората минута од судиското екстра време на „Хауторнс“ падна Тотенхем со 1:0. Само шестата победа во сезоната значи шанса плус за ВБА дека би можел, во сплет на околности, и во наредната да биде дел од премиерлигашкото друштво. Тимот од Бирмингам е претпоследен со 31 бод и во последното коло ќе гостува кај Кристал палас.
Стоук по 15 години минати во Премиерлигата се сели во понизок натпреварувачки ранг. „Потерси“ загубија од Кристал палас со 1:2 и загубија секакви шанси за опстанок во елитата. А, тргнаа како што посакуваа. Поведоа со погодокот на Џердан Шаќири во 43. минута, но второто полувреме донесе тотално разочарување за присутните на „Британија“. Џејмс Мекартур во 68. минута и Патрик ван Анхолт во 86. минута ги „спакуваа“ домашните на пат кон втора лига.
Евертон и Саутемтпон одиграа 1:1 во последниот дуел од саботната програма во Премиерлигата.
Премиерлига
Резултати, 37. коло
Евертон – Саутемтпон 1:1
ВБА – Тотенхем 1:0
Вотфорд – Њукасл 2:1
Лестер – Вест Хем 0:2
Борнмут – Свонси 1:0
Стоук – Кристал палас 1:2
Брајтон – Манчестер јунајтед 1:0
Недела
Манчестер сити – Хадерсфилд (14.30 ч.)
Арсенал – Барнли (17.30 ч.)
Челзи – Ливерпул (17.30 ч.)
Табела: Манчестер сити 93 (-2), Манчестер јунајтед 77 (-1), Ливерпул 72 (-1), Тотенхем 71 (-1), Челзи 66 (-2), Арсенал 57 (-2), Барнли 54 (-1), Евертон 49, Лестер 44 (-1), Њукасл 41 (-1), Кристал палас 41, Борнмут 41, Вотфорд 41, Брајтон 40 (-1), Вест Хем 36 (-1), Хадерсфилд 35 (-2), Саутемптон 33 (-1), Свонси 33 (-1), ВБА 31, Стоук 30.