Реал Мадрид ја совлада Осасуна со 3:1 и се врати на врвот на табелата во шпанската Примера. Стрелци за „кралевите“ во Памплона беа Кристијано Роналдо во 24 минута (асистент Бензема), Иско погоди во 62 минута, печат на победата стави Лукас во судиското екстра време по додавање на Марсело. Леон во 33-та го постигна единствениот за поразената екипа. Мадриѓани се лидери во шампионатот со 49 бода, но и два меча помалку од Барселона на второто место.
Каталонците, пак, без убедливи на гостувањето во Виторија каде го декласираа Алавес со 6:0. По двата гола во првиот дел (Суарез во 37 минута и Нејмар во 40 минута) постигнаа уште четири во продолжение на средбата во период од само осум минути за убедлив триумф. По еднаш во листата на стрелци се впишаа Меси (59 минута), Ракитиќ (65 минута), Суарез (67 минута), а во меѓувреме Алексис (63 минута) постигна автогол.
На натпреварот му претходеше инцидент во кој учествуваа навивачи на двата клуба. Алавес и Барселона ги осудија немилите сцени што се случија во универзитетскиот дел на градот и најавија соработка со полицијата за пронаоѓање на учесниците. Според шпанските медиуми, постојат видео снимки на кои се гледа како симпатизери на домашниот тим со палки напаѓаат гостински фанови.
Во останатите два саботни меча, Атлетик во Билбао славеше против Депортиво ла Коруња со 2:1, Бетис и Валенсија одиграа без голови.
Примера, 22 коло
Резултати
Осасуна – Реал Мадрид 1:3
Атлетик Билбао – Депортиво ла Коруња 2:1
Алавес – Барселона 0:6
Бетис – Валенсија 0:0
Недела
Вилјареал – Малага (12 ч.)
Легањес – Спортинг Хихон (16.15 ч.)
Лас Палмас – Севилја (18.30 ч.)
Атлетико Мадрид – Селта (20.45 ч.)
Табела: Реал Мадрид 49 (-2), Барселона 48, Севилја 43 (-1), Реал Сосиедад 41, Атлетико Мадрид 39 (-1), Вилјареал 35 (-1), итн.