Работнички останува на еден триумф, и тоа против фенерџијата Победа (0:1), и по осмата пролетна рунда во македонската фудбалска Прва лига. Излез од резултатската криза не донесе ниту тренерската смена (Жикица Тасевски поднесе оставка, Баже Лазаревски го наследи) и по ремито (1:1) против Македонија Ѓ.П., дебармаалци ремизираа и со Беласица (1:1) во 26. коло што е нивни петти меч без победа по зимската пауза во шампионатот.
Работнички одигра 1:1 на арената „Филип Втори“ и со екипите на Ренова и на Силекс, на домашен терен загуби од Академија Пандев (1:2) и од Вардар (0:2), а Шкендија триумфира над тимот од Градски парк, во Тетово, со 1:0.
Победник немаше ниту во Охрид каде Победа беше домаќин на Вардар. Но, немаше ниту голови, па киксот на вицешампиот го искористи Шкендија да додаде два бода плус на врвот на табелата по минималниот триумф (1:0) на гостувањето кај Академија Пандев. По гол на двете страни видоа и гледачите во Кратово. Силекс и Македонија Ѓ.П. одиграа 1:1, а три бода на домашен терен освои Ренова во дуелот со Шкупи (1:0).
Прва лига, 26 коло
Работнички – Беласица 1:1
Победа – Вардар 0:0
Академија Пандев – Шкендија 0:1
Силекс – Македонија Ѓ.П. 1:1
Ренова – Шкупи 1:0
Табела: Шкендија 59, Вардар 49, Академија Пандев 45 (-1), Ренова 36, Шкупи 33, Работнички 33, Македонија Ѓ.П. 31, Силекс 25, Беласица 23, Победа 19 (-1).
Идно коло (7 април): Шкендија – Ренова, Вардар – Академија Пандев, Шкупи – Работнички, Македонија Ѓ.П. – Победа, Беласица – Силекс.