Рускиот претседател Владимир Путин денеска и се обрати на јавноста говорејќи за новиот американски претседател Доналд Трамп. На прашањето за односите со него, Путин рече:
– Не го познавам лично, и немам причини ниту да го бранам ниту да го напаѓам, пренесува РТ.
Прес конференцијата на Путин беше по средбата со претседателот на Молдавија, при што истакна дека во САД продолжув мноу остра внатреполитичка борба и покрај тоа што изборите се завршени.
Путин ја обвини администрацијата на претседателот во заминување Барак Обама дека се обидува да го дискредитира што е можно повеќе неговиот наследник пред да стапи на должност.
– Администрацијата користи мајдански стил за да го делегитимира Трамп. Сакаат да му ги врзат рацете и нозете, рече Путин, поистоветувајќи ја ситуацијата во САД со онаа во Украина.
На прашањето за „валканото досие“ кое и покрај непроверените информации дигна голема прашина во светската јавност, рускиот претседател истакна дека тврдењата дека руската разузнавачка служба наводно поседува компромитирачки информации за Трамп, се лажни.
-Тие што го направиле лажното досие за Трамп и Русија се полоши од проститутки, рече Путин.
Весникот Вол Стрит Џурнал неодамна објави дека Кристофер Стил е поранешниот британски разузнавач кој ги обзнанил компромитирачките документи за Доналд Трамп.