Published: Friday, January 24, 2020 22:34
Репрезентациите на Хрватска и на Шпанија ќе играат во големото финае на 14. Европско првенство во ракомет.
„Коцкестите“ во полуфиналето, по голема драма, ја елиминираа Норвешка по дури четири продолженија со 29:28 (основните 60 минути завршија без победник – 23:23). Победничкиот погодок за тимот на Лино Червар беше дело на Жељко Муса на три секунди до крај на средбата.
Најефикасен хрватски ракометар беше Домагој Дувњак, кој беше прогласен и за МВП, со осум гола, шест гола додаде Мариќ, Хорват реализира четири додека Степанчиќ го заврши настапот со три гола.
Прв стрелец кај Норвежаните беше Сандер Сагосен со десет погодоци, Гулеруд, Танген и Јоханесен дадоа по четири.
Шпанија во второто полуфинале ја совлада Словенија со 34:32 (полувреме 20:15). По шест гола за „црвената фурија“ постигнаа Душебаев, Ентрериос и Фернандез, колку што реализира и Блаж Јанц за Словенија. Најефикасен словенечки ракометар беше Доленц со седум гола.
Мечот за третото место е утре попладне (сабота, 18.30 ч.) меѓу Норвешка и Словенија, големото финале меѓу Хрватска и Шпанија е во недела.