Пропадна најголемиот, најочајниот и најнискиот обид за судски монтиран процес во независна Република Македонија, инициран од поранешниот премиер Никола Груевски, реагираа од СДСМ на денешната одлука на СЈО да го повлече обвинението за Пуч.
Со денешната одлука на Специјалното јавно обвинителство, да се откаже од обвинителен акт против претседателот на СДСМ, Зоран Заев и другите лица во таканаречениот случај Пуч – и официјално се потврди дека „странските служби, жолтите комбиња, тактичката опрема, клонираните базни станици“ се несовесна и безобразна измислица на Никола Груевски.
Груевски, фатен во скандалот со нелегалното прислушување заедно со неговиот братучед Сашо Мијалков, ги лажел за свои интереси граѓаните на Република Македонија“, пишува во соопштението на СДСМ.
Од партијата велат дека таканаречениот случај Пуч ќе остане запишан во историјата на Македонија како еден од обидите на режимската власт за прогон на политички противници, но и како доказ, охрабрување и поука, дека никој и ништо не може да застане на патот на вистината и на правдата.