Шолц пристигна во Кијив со специјален воз и со оружје за Украина

Германскиот канцелар Олаф Шолц утрово пристигна во Киев за прв пат по две и пол години на разговори со украинскиот претседател Володимир Зеленски, посета која претходно не беше најавена од безбедносни причини.

По неговото пристигнување, германскиот лидер најави дополнителни испораки на оружје во вредност од 650 милиони евра до крајот на декември за одбрана на Украина од Русија. „Би сакал јасно да кажам дека Германија ќе остане најсилниот поддржувач на Украина во Европа“, рече Шолц, кој во главниот град на Украина пристигна со специјален воз.