Кандидатот за претседател на опозициската ВМРО ДПМНЕ, Гордана Сиљановска-Давкова вечерва на централен митинг пред Владата во Скопје. По изнесените забелешки на сметка на власта, таа повика на масовна излесност на изборите на 21 април и на 5 мај за ставање крај на, како што рече, „црнилото во оваа земја“.
„Восхитена сум од глетката, неверојатна инспирација сте. Веќе неколку месеци одиме низ Македонија и си го запознаваме народот. За жал, јас не знаев колку прекрасен народ има во оваа земја. Ќе се обидам да бидам ваш глас, вашт ум, ваш став, ваша порака“, нагласи Сиљановска Давкова.
Според неа, дојден е моментот за соочување со резултатите од катастрофалното речиси две и пол годишно владеење на оваа гарнитура.
„Се нарекоа реформска влада и народот очекуваше реформи. Очекуваше демократија, очекуваше владеење на право, очекуваше борба со корупција и криминал, очекуваше битка со непотизмот, очекуваше европеизација ама таа не дојде. Единствената промена што ја направија е промената на името, најболната промена. На Македонија не ` треба придавка, на Македонија ` треба жена“, истакна Сиљановска Давкова.
Покрај Сиљановска Давкова, на митингот се обрати и претседателот на ВМРО ДПМНЕ, Христијан Мицкоски.